Xalıq deputatları Nókis rayonlıq Keńesiniń baslıǵı, 2-sanlı "Jiydeli" saylaw okruginen deputat N.Seytnazarovtıń baslaması menen saylaw okruginde "Ashıq byudjet" tańlawında jeńimpaz dep tabılǵan kóshede alıp barılıp atırǵan asfaltlaw jumısları ornına shıǵıp úyrenildi

Úyreniw procesinde usı aymaq turǵınları menen ushırasıw ótkerilip, jańadan qurılıp atırǵan joldı qásterlep saqlaw, onıń uzaq jıllar xızmet etiwi ushın abadanlastırıw jumıslarına birdey belsendi qatnasıwı áhmietli ekenligi haqqında túsindiriw jumısları alıp barıldı

Bul úyreniwde Xalıq deputatları Nókis rayonlıq Keńesi sekretariatınıń baslıǵı Sh.Qalmuratov hám Xalıq deputatları Nókis rayonlıq Keńesiniń 18-sanlı "Baxıtlı" saylaw okruginen deputat R.Saparniyazov ta qatnastı

Xalıq mápi jolında ámelge asırılıp atırǵan hár bir joybar sapalı hám óz waqtında orınlanıwı, sonday-aq, xalıq penen jaqınnan pikirlesiw deputatlar jumısınıń tiykarǵı baǵdarlarınan biri bolıp qalmaqta

✅ "Ashıq byudjet" - xalıq baslaması, xalıq abadanlıǵı ushın!