Xalq deputatlari tuman Kengashining korrupsiyaga qarshi kurashish va xavfsizlik masalalari bo‘yicha doimiy komissiyasining
navbatdagi yig‘ilishi bo‘lib o‘tdi. Yig‘ilishda komissiya a’zolari, tegishli tashkilot va idoralar rahbarlari hamda mas’ul mutasaddilar ishtirok etdi. Yig‘ilish kun tartibiga muvofiq, dastlab tuman prokurorining 2026-yilning 6 oyi davomida qonun ustuvorligini
ta’minlash, korrupsiyaga qarshi kurashish, fuqarolarning huquq va erkinliklarini himoya qilish hamda murojaatlar bilan ishlash yo‘nalishida amalga oshirilgan ishlar yuzasidan axboroti eshitildi. Axborotda prokuratura organlari tomonidan qonunchilik
ijrosini ta’minlash, huquqbuzarliklarning oldini olish, davlat organlari va tashkilotlarida qonuniylikni mustahkamlash, korrupsiyaviy holatlarni barvaqt aniqlash va bartaraf etish borasida amalga oshirilgan chora-tadbirlar xususida ma’lumotlar berildi. Shundan so‘ng, tuman ichki ishlar bo‘limi boshlig‘ining 2026-yilning 6 oyi davomida tumanda jinoyatchilikka qarshi kurashish, huquqbuzarliklar profilaktikasi, jamoat tartibini saqlash va fuqarolar xavfsizligini ta’minlash sohasida amalga oshirilgan
ishlar bo‘yicha hisoboti tinglandi. Hisobotda jinoyatchilik holati tahlili, profilaktik tadbirlar samaradorligi, mahallalarda xavfsiz muhitni ta’minlash, yoshlar o‘rtasida huquqbuzarliklarning oldini olish hamda fuqarolar murojaatlari bilan ishlash natijalari haqida atroflicha ma’lumot berildi. Muhokamalar davomida doimiy komissiya a’zolari tomonidan ma’ruzalar yuzasidan fikr va mulohazalar bildirilib, sohadagi mavjud muammolarni bartaraf etish, profilaktika ishlarining samaradorligini yanada oshirish, korrupsiyaga qarshi kurashish tizimini takomillashtirish hamda jinoyatchilikning oldini olishga qaratilgan amaliy chora-tadbirlarni kuchaytirish bo‘yicha qator takliflar ilgari surildi. Yig‘ilish yakunida kun tartibidagi masalalar yuzasidan tegishli qarorlar qabul qilinib, mas’ul tashkilotlarga belgilangan vazifalarning ijrosini ta’minlash hamda bu boradagi ishlar ustidan tizimli nazorat o‘rnatish bo‘yicha tegishli topshiriqlar berildi.