Xalq deputatlari Qo‘qon shahar Kengashi raisi O‘.Tojiyeva hamda Kengash kotibiyati mudiri A.Nosirov tomonidan Qo‘qon shahar Axborot-kutubxona markazida navbatdagi o‘rganish ishlari olib borildi.

O‘rganish davomida Axborot-kutubxona markazida kitobxonlar uchun yaratilgan shart-sharoitlar, kutubxona fondining saqlanish holati, mutolaa zallarining jihozlanishi va ulardan foydalanish samaradorligi atroflicha ko‘rib chiqildi.

Shuningdek, kutubxona fondini hisobga olish va saqlash tizimi, kitobxonlar formulyarlarini yuritish tartibi, kataloglar bilan ishlash jarayoni hamda kitoblarni qidirish va ulardan foydalanish tizimining amaldagi holati tahlil qilindi.

O‘rganish jarayonida axborot-kutubxona xizmatlari sifatini yanada oshirish, fondni asrab-avaylash, zamonaviy axborot texnologiyalaridan samarali foydalanish hamda kitobxonlar uchun qulay sharoitlarni kengaytirish yuzasidan mas’ullar bilan fikr almashildi.

Xalq deputatlari Qo‘qon shahar Kengashi