Huquqbuzarliklar profilaktikasi holati o‘rganildi

Xalq deputatlari Qiziriq tumani Kengashiga 22-Gulzor saylov okrugidan saylangan deputat E.Hamroyev hamda tuman Kengashi kotibiyati bosh mutaxassisi J.Donayev deputatning saylov okrugi hududidagi "Mustaqillik" mahallasiga tashrif buyurib, Xalq deputatlari tuman Kengashining navbatdagi sessiyasi kun tartibiga kiritilgan tuman Ichki ishlar bo‘limi boshlig‘ining huquqbuzarliklarning oldini olish va ularning profilaktikasi holati to‘g‘risidagi hisoboti yuzasidan o‘rganish olib bordilar.

Tashrif davomida mahallada huquqbuzarliklarning oldini olish, jamoat tartibini saqlash, jinoyatchilikni barvaqt profilaktika qilish, fuqarolar murojaatlari bilan ishlash hamda profilaktik tadbirlarning samaradorligi yuzasidan amalga oshirilayotgan ishlar bilan yaqindan tanishildi.

Shuningdek, "Ichki ishlar organlari to‘g‘risida"gi O‘zbekiston Respublikasining Qonuni (2016-yil 16-sentabrdagi O‘RQ–407-son) ijrosini o‘rganish yuzasidan tayyorlangan savolnoma asosida mahallada qonun talablarining amaliy ijrosi, profilaktika inspektori va mahalla faollari hamkorligi, huquqbuzarliklarning oldini olish borasida olib borilayotgan ishlar atroflicha o‘rganildi.

O‘rganish yakunida aniqlangan holatlar yuzasidan mas’ullar bilan fikr almashilib, huquqbuzarliklar profilaktikasi samaradorligini yanada oshirish, fuqarolar bilan manzilli ishlash hamda mavjud muammolarni bartaraf etish yuzasidan tegishli taklif va tavsiyalar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram