Biriktirilgan tashkilot bilan hamkorlik masalalari muhokama qilindi

Xalq deputatlari Qiziriq tumani Kengashi kotibiyati bosh mutaxassisi A.Mamarajabov tuman Kengashi deputati B.Mo‘minovga biriktirilgan O‘zbekiston Savdo-sanoat palatasi Qiziriq tumani bo‘limiga tashrif buyurdi.

Tashrif davomida deputat va Savdo-sanoat palatasi o‘rtasidagi hamkorlikni yanada mustahkamlash, tadbirkorlik subyektlarini qo‘llab-quvvatlash, murojaatlar bilan ishlash hamda qo‘shma tadbirlarni samarali tashkil etish masalalari muhokama qilindi.

Shuningdek, tadbirkorlik faoliyatida uchrayotgan mavjud muammolar, ularni bartaraf etish yo‘llari, amaldagi qonunchilikni takomillashtirish yuzasidan takliflar hamda kelgusidagi hamkorlikdagi ustuvor vazifalar bo‘yicha o‘zaro fikr almashildi.

Suhbat yakunida hamkorlikni yanada kuchaytirish va belgilangan vazifalarni izchil amalga oshirish yuzasidan kelishuvlarga erishildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram