Sessiya kun tartibidagi navbatdagi masala O‘zbekiston Respublikasi Prezidentining 2025-yil 21-apreldagi PF-71-sonli Farmoni ijrosiga bag‘ishlandi.

Unda korrupsiyaga qarshi kurashish tizimini yanada takomillashtirish hamda belgilangan ustuvor vazifalar ijrosini samarali tashkil etish bo‘yicha amalga oshirilayotgan ishlar muhokama qilindi.

Mazkur masala yuzasidan tuman maktabgacha va maktab ta’limi bo‘limi boshlig‘i Alisher Hakimov hisobot berdi. Hisobotda ta’lim tizimida ochiqlik va shaffoflikni ta’minlash, korrupsion holatlarning oldini olish, nazorat mexanizmlarini kuchaytirish hamda sohada halollik tamoyillarini mustahkamlash borasida olib borilayotgan ishlar haqida ma’lumot berildi.

Sessiya davomida mavjud muammolar tahlil qilinib, korrupsiyaga qarshi kurashish bo‘yicha ishlar samaradorligini yanada oshirish yuzasidan tegishli topshiriqlar berildi.

✅Bizni kuzatib boring: 👇
|📲 Telegram | 💻Facebook