🤝 Sherobod tumanida ta’lim sohasida hamkorlikni mustahkamlash masalalari muhokama qilindi

📍 Xalq deputatlari Sherobod tuman Kengashi raisi O. Tursunov hamda Sherobod tumani hokimining o‘rinbosari A. Pirmatov Sherobod tuman Maktabgacha va maktab ta’limi bo‘limida bo‘lib, ta’lim sohasida hamkorlikni yanada rivojlantirish masalalariga bag‘ishlangan uchrashuv o‘tkazdi.

📚 Uchrashuv davomida maktabgacha va maktab ta’limi tizimida amalga oshirilayotgan islohotlarning mazmun-mohiyati, ta’lim sifatini oshirish, sohada o‘zaro hamkorlikni yanada mustahkamlash hamda istiqboldagi ustuvor vazifalar yuzasidan atroflicha fikr almashildi.

📄 Shuningdek, hamkorlikni samarali tashkil etish va uni huquqiy jihatdan mustahkamlashga qaratilgan tegishli hujjatlar ko‘rib chiqilib, ularning mazmuni va amaliy ahamiyati muhokama qilindi.

🎯 Tomonlar kelgusida ta’lim tizimini rivojlantirish, yosh avlodning sifatli ta’lim olishi uchun qulay shart-sharoitlar yaratish hamda belgilangan vazifalarni hamkorlikda izchil amalga oshirish yuzasidan o‘zaro kelishuvga erishdilar.

✅ Mazkur uchrashuv ta’lim tizimini yanada takomillashtirish, davlat organlari va ta’lim muassasalari o‘rtasidagi hamkorlikni mustahkamlash hamda hududda ta’lim sifati va samaradorligini oshirishga xizmat qiladigan muhim muloqotlardan biri bo‘ldi.