️Xalq deputatlari Jondor tumani Kengashiga 2-Aleli saylov okrugidan saylangan deputat Z.Shomurodova tashabbusi bilan tumanda faoliyat yuritayotgan iqtidorli va tashabbuskor yosh hunarmandlarni rag‘batlantirish tadbiri tashkil etildi.
➡️Tadbir davomida milliy hunarmandchilik an’analarini davom ettirish, yoshlarni kasb-hunarga yo‘naltirish va ularning ijodiy salohiyatini qo‘llab-quvvatlash borasida amalga oshirilayotgan ishlar alohida e’tirof etildi. Shuningdek, o‘zining mehnati va mahorati bilan namuna ko‘rsatayotgan bir guruh yosh hunarmandlarga tashakkurnoma va esdalik sovg‘alari topshirildi.
➡️Tadbir ishtirokchilari bunday e’tibor va rag‘bat yoshlarni yanada faol bo‘lishga, milliy qadriyatlarimiz va hunarmandchilik an’analarini rivojlantirishga xizmat qilishini ta’kidladilar.