Ijtimoiy-iqtisodiy hayotda ro‘y berayotgan yangilanishlar mohiyatiga mos ravishda xalq bilan muloqot qilish, fuqarolarni o‘ylantirayotgan masalalar va muammolarga yechim topish maqsadida O‘zLiDep Mirzo Ulug‘bek tumani Kengashi hamda inson ijtimoiy xizmatlar Mirzo Ulug‘bek bo‘limi hamkorligida qabul o‘tkazildi.

O‘tkazilgan tadbirda O‘zLiDep a’zosi Xalq deputatlari Mirzo Ulug‘bek tumani Kengashi raisi Yuldasheva Muyassar Tairovna ham ishtirok etib, fuqarolarni muammolari yuzasidan qabul qildi.

Murojaatlarning asosiy qismini uy-joy, moddiy yordam, davolanish, subsidiya ajratish, kredit to‘lovlari, ishdan asossiz ravishda bo‘shatilganlik, yer ajratish hamda fuqarolarning sud qarorlaridan qanoatlanmaganligi bilan bog‘liq masalalar tashkil etdi.

Deputat tomonidan ishsiz fuqarolarni ishga joylashtirish yuzasidan amaliy ko‘mak ko‘rsatilishi bo‘yicha murojaat egalariga huquqiy tushuntirishlar berildi hamda murojaatlar nazoratga olindi.