Ilmobod hududida turizm salohiyatini oshirish va sayyohlar uchun zamonaviy infratuzilma yaratish borasida keng ko‘lamli ishlar amalga oshirilmoqda. O‘zbekiston Respublikasi Prezidentining 2025-yil 27-dekabrdagi PQ–392-son qaroriga muvofiq, Darg‘om o‘rmon xo‘jaligi hududida muhim infratuzilma loyihalari bosqichma-bosqich hayotga tatbiq etilmoqda.

Mazkur loyiha doirasida amalga oshirilayotgan ishni ko‘zdan kechirish,  mavjud muammolarni bartaraf etish maqsadida tuman hokimi, tuman Kengashi deputati Behzod Raxmatullayev hamda masʼullar  Ilmobodda bo‘lishdi. Hududga elektr energiyasi, ichimlik va oqova suv tarmog‘i hamda zamonaviy yo‘l tortish ishlarini ko‘zdan kechirishdi. Ushbu ishlar turizm uchun qulay shart-sharoitlar yaratish, hududning investitsiyaviy jozibadorligini oshirish va sayyohlar oqimini ko‘paytirishga xizmat qilishi taʼkidlandi.

✅Bizni kuzatib boring: 👇
|📲 Telegram | 💻Facebook