Xalq deputatlari Shovot tumani Kengashining 2026-yil 12-maydagi VII-25-53-12-177-K/26-sonli qaroriga asosan, tumanda ichimlik suvi, elektr energiyasi, gaz ta’minoti hamda kanalizatsiya tizimini yaxshilash borasida amalga oshirilgan ishlar yuzasidan hisobot eshitildi.

📌 Hisobotda tumanda 2025-yilda 297 xonadondan iborat 9 ta uy-joy foydalanishga topshirilgani, Yangiobod mahallasida 400 metr ichimlik suvi tarmog‘i rekonstruksiya qilingani hamda Qirg‘oqbo‘yi va Istiqbol mahallalaridagi ko‘p qavatli uylarda oqova suv nasoslari yangilangani qayd etildi.

⚡️ Shuningdek, elektr ta’minotini yaxshilash maqsadida 37 km elektr tarmoqlari va 29 ta transformator punktida joriy ta’mirlash ishlari olib borilgani, yangi elektr tarmoqlari hamda transformator punktlari qurilib foydalanishga topshirilgani ma’lum qilindi.

🌱 Qarorda energiya tejovchi texnologiyalarni keng joriy etish, gaz va suv ta’minotidagi mavjud muammolarni bartaraf etish, infratuzilma obyektlarini modernizatsiya qilish hamda aholini sifatli kommunal xizmatlar bilan ta’minlash yuzasidan mas’ullarga tegishli topshiriqlar berildi.

✅ Shuningdek, amalga oshirilayotgan ishlarni ommaviy axborot vositalari va ijtimoiy tarmoqlarda keng yoritish, aholi o‘rtasida energiya tejash va resurslardan oqilona foydalanish bo‘yicha targ‘ibot ishlarini kuchaytirish tavsiya etildi.