Boyovut tumani tajribasi asosida ishlab chiqilgan “Yo‘l xarita” hamda uning doirasida tumanda “Zarbdor” tajribasi asosida shakllantirilgan 1-bosqich “Drayver” loyihalarini amalga oshirish, zarur infratuzilmani yaratish va belgilangan vazifalar ijrosini ta’minlash yuzasidan xalq deputatlari Boyovut tumani Kengashi deputati M. Mirzajonova tomonidan joyiga chiqqan holda o‘rganish ishlari olib borildi.

O‘rganish davomida “Yo‘l xarita”ning 47-bandida belgilangan vazifalar ijrosi tahlil qilindi. Mazkur bandga asosan “Bunyodkor” mahallasi hududidan o‘tuvchi davlat ahamiyatidagi D-040 avtomobil yo‘li bo‘yidagi 0,7 gektar bo‘sh yer maydonida savdo va servis xizmatlari hududini tashkil etish belgilangan.

Aniqlanishicha, hozirgi kunda hududda qurib bitkazilgan savdo do‘konlarini foydalanishga topshirish ishlari davom etmoqda. Shuningdek, qolgan yer maydonlari bo‘yicha loyiha hujjatlari tayyorlangan bo‘lib, ushbu hududlarni elektron auksion savdolariga chiqarish bo‘yicha tegishli ishlar olib borilayotgani ma’lum qilindi.

Deputat tomonidan loyiha doirasida amalga oshirilayotgan ishlarning sifatli va belgilangan muddatlarda bajarilishi, hududda xizmat ko‘rsatish infratuzilmasini rivojlantirish hamda yangi ish o‘rinlarini yaratish masalalariga alohida e’tibor qaratildi.