Bugun O‘zbekiston mahallalari uyushmasi raisi Qahramon Quronboyev Kitob tumanidagi "Denov" mahallasiga tashrif buyurib, aholining yashash sharoitlari hamda hududda amalga oshirilayotgan bunyodkorlik ishlari bilan yaqindan tanishdi.

Tashrif davomida:

🔹 Mahallabay ishlash tizimi: Mahalladagi "yettilik" xodimlari bilan samimiy muloqot o‘tkazilib, fuqarolarni qiynayotgan masalalar va ularning yechimi muhokama qilindi;
🔹 Obodonlashtirish ishlari: "Obod xonadon – obod ko‘cha – obod mahalla" mezonlari asosida xonadonlar obodonchiligi, ko‘chalar qiyofasi hamda tomorqachilik madaniyatiga alohida e’tibor qaratildi;
🔹 Amaliy natijalar taqdimoti: Kitob tumani hokimi Rustam Gafurov tomonidan tumanda olib borilayotgan tizimli ishlar va erishilgan natijalar "Denov" mahallasi misolida batafsil namoyish etildi.

Mahallalarda aholi farovonligini oshirish, infratuzilmani yaxshilash va tomorqalardan unumli foydalanishni tashkil etish bo‘yicha ishlar izchil davom ettirilmoqda.

👉🏻 Telegram
👉🏻 Instagram
👉🏻 Facebook
👉🏻 YouTube