Deputatlik nazorati doirasida navbatdagi o‘rganish ishlari olib borildi

Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy masalalar bo‘yicha doimiy komissiyasi tomonidan deputatlik nazorati doirasida navbatdagi amaliy ishlar amalga oshirildi.

O‘zbekiston Respublikasining “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunining 19¹-moddasi 4-bandiga muvofiq, deputat tegishli hududdagi davlat organlari va tashkilotlari hamda mansabdor shaxslardan zarur ma'lumotlar, ekspert xulosalari va boshqa axborotlarni talab qilib olish vakolatiga ega.

Mazkur vakolatdan kelib chiqib, mahalliy budjetning qo‘shimcha manbalari hisobidan ajratilgan mablag‘lardan foydalanish holatini o‘rganish hamda ularning maqsadli va samarali sarflanishi ustidan deputatlik nazoratini amalga oshirish maqsadida tuman Moliya bo‘limiga rasmiy so‘rov xati yuborildi.