NOQONUNIY QURILMALAR YUZASIDAN TUSHUNTIRISH ISHLARI OLIB BORILDI

Xalq deputatlari Pastdarg‘om tumani Kengashi deputati A. Abdumurodov tomonidan Olmazor mahallasida faoliyat yuritayotgan tadbirkorlik subyektlarida o‘rganish ishlari olib borildi.

O‘rganish davomida ayrim tadbirkorlar tomonidan tadbirkorlik obyektlariga noqonuniy ravishda qo‘shimcha qurilmalar va inshootlar qurib olingan holatlar ko‘zdan kechirildi.

Deputat tomonidan tadbirkorlar bilan ochiq muloqot o‘tkazilib, amaldagi shaharsozlik, yer va qurilish qonunchiligi talablari yuzasidan huquqiy tushuntirishlar berildi.

Shuningdek, noqonuniy qurilmalarni belgilangan tartibda rasmiylashtirish yoki bartaraf etish, qonun talablariga rioya qilish zarurligi alohida ta’kidlandi.

🤝 Qonunchilik talablariga rioya etish, tadbirkorlik faoliyatini qonuniy asosda yuritish hamda hududlarda tartib va obodonlashtirishni ta’minlash — deputatlik nazoratining muhim yo‘nalishlaridan biridir.