Mustaqilligimizning 35 yilligi munosabati bilan mamlakatimiz bo‘ylab o‘tkazilayotgan “Mahallada obodlik va mehr-saxovat oyligi” doirasida xalq deputatlari Mirzo Ulug‘bek tumani Kengashi deputati, O‘zbekiston “Ekologik” partiyasi a’zosi Umarov Ravshan Maxamatjanovich “Mirzakalon Ismoiliy” mahallasida bo‘lib, mahalla vakillari bilan amalga oshirlayotgan ishlar bo‘yicha suhbatlashdi.

Suhbat jarayonida mahallada qilinayotgan ishlar muhokama qilinib, hududda bayram oldi obodonlashtirish ishlarini o‘tkazishda bevosita faol ishtirok etib, hududdagi xayriya hasharini tashkil qildi.

Hashar davomida mahalla hududidagi ko‘chalar, xonadonlar oldi, piyodalar yo‘laklari hamda ariq-lotoklar tozalandi. Shuningdek, kesilgan daraxt shox-shabbalari, turli maishiy chiqindilar o‘z vaqtida yig‘ishtirilib, maxsus texnikalar yordamida olib chiqib ketildi.

Bunday xayrli tadbirlar mahallaning yanada obod va ozoda qiyofa kasb etishi, ekologik muhitni yaxshilash hamda aholi o‘rtasida hamjihatlik va o‘zaro mehr-oqibat muhitini mustahkamlashga xizmat qilmoqda.