Xalq deputatlari Qo‘qon shahar Kengashi raisi O‘.Tojiyeva tomonidan “Chodaklik” MFY hokim yordamchisi A.Mo‘ydinovning O‘zbekiston Respublikasining 2012-yil 26-apreldagi O‘RQ-327-sonli “Oilaviy tadbirkorlik to‘g‘risida”gi hamda 2012-yil 2-maydagi O‘RQ-328-sonli “Tadbirkorlik faoliyati erkinligining kafolatlari to‘g‘risida”gi Qonunlari ijrosi yuzasidan olib borayotgan ishlari doirasida navbatdagi o‘rganish amalga oshirildi.

O‘rganish jarayonida “Chodaklik” mahallasi, Tabassum ko‘chasi, 264-uyda istiqomat qiluvchi, o‘zini o‘zi band qilgan holda tadbirkorlik faoliyati bilan shug‘ullanib kelayotgan G‘.Abdullayevning faoliyati joyiga chiqqan holda o‘rganildi.

Aniqlanishicha, hokim yordamchisi ko‘magida tadbirkorga 33 million so‘m miqdorida imtiyozli kredit ajratilgan bo‘lib, mazkur mablag‘ hisobidan chorvachilik faoliyati yo‘lga qo‘yilgan. Hozirgi kunda tadbirkor chorvachilikni rivojlantirish orqali oilaviy daromadini oshirish, mahallada bandlikni ta’minlash hamda oziq-ovqat mahsulotlari yetishtirishga o‘z hissasini qo‘shib kelmoqda.

O‘rganish davomida kredit mablag‘laridan maqsadli foydalanish, chorvachilik xo‘jaligini yanada kengaytirish, davlat tomonidan tadbirkorlarga yaratilayotgan imtiyoz va qo‘llab-quvvatlash mexanizmlaridan samarali foydalanish masalalari yuzasidan tadbirkor bilan fikr almashildi.

Xalq deputatlari Qo‘qon shahar Kengashi