Xalq deputatlari Qashqadaryo viloyati Kengashi deputati Shermat Shamsiyev tomonidan 34-Po‘lati saylov okrugi hududidagi Koson tumani "Bunyodkor" mahallasida "mahalla yettiligi" faoliyati hamda aholi bandligini ta’minlash borasida amalga oshirilayotgan ishlar yuzasidan o‘rganish ishlari olib borildi.

O‘rganish davomida deputat tomonidan "mahalla yettiligi" faoliyatining samaradorligi, aholi murojaatlari bilan ishlash, ijtimoiy himoyaga muhtoj fuqarolarni qo‘llab-quvvatlash, kambag‘allikni qisqartirish hamda bandlikni ta’minlash yo‘nalishlarida olib borilayotgan ishlar yuzasidan mas’ullarga qator savollar berildi.

Bildirilgan savollarga mutasaddi tashkilotlar vakillari tomonidan asosli va batafsil javoblar taqdim etildi.

Shuningdek, hokim yordamchisining hududda aholi bandligini ta’minlash, yangi ish o‘rinlarini yaratish, tadbirkorlikni rivojlantirish va fuqarolarning daromad manbalarini oshirish bo‘yicha amalga oshirgan ishlari bilan yaqindan tanishildi.

Uchrashuv davomida tadbirkorlar bilan ochiq muloqot o‘tkazilib, ularni qiziqtirgan masalalar yuzasidan zarur tushuntirishlar berildi. Tadbirkorlar tomonidan bildirilgan taklif va muammolar deputat tomonidan atroflicha o‘rganilib, ularni ijobiy hal etish maqsadida tegishli tashkilotlarga deputat so‘rovi yuborilishi ta’kidlandi.

Mazkur o‘rganishlar deputatlik nazoratini kuchaytirish, hududlarda mavjud muammolarni joyiga chiqib o‘rganish hamda aholini qiynayotgan masalalarga amaliy yechim topishga xizmat qiladi.