QAROR IJROSI AMALDA: DEPUTAT TRANSFORMATOR O‘RNATILGAN HUDUDNI O‘RGANDI

Xalq deputatlari Pastdarg‘om tumani Kengashining 2026-yil 7-apreldagi VII-25-42-7-101-K/26-son qarori asosida Mehnat MFYdagi TP-608 transformator punktiga qo‘shimcha KTPS-100/10 kVA transformatori o‘rnatish uchun mablag‘ ajratilgan edi.

Mazkur qaror ijrosi yuzasidan Xalq deputatlari Pastdarg‘om tumani Kengashi deputati J. Ochilov hamda Kengash huzuridagi Yoshlar maslahat guruhi a’zosi Sh. Uralov Mehnat mahallasida bo‘lib, o‘rnatilgan yangi transformatorning holatini joyiga chiqib ko‘zdan kechirdi.

O‘rganish davomida qo‘shimcha transformator foydalanishga topshirilgani va hudud aholisini sifatli hamda barqaror elektr energiyasi bilan ta’minlash imkoniyatlarini yaxshilashga xizmat qilayotgani qayd etildi.

Mazkur loyiha hududdagi elektr ta’minoti barqarorligini oshirish, iste’molchilarga qulay sharoit yaratish hamda infratuzilmani yanada yaxshilash yo‘lidagi muhim qadamlardan biri bo‘ldi.