Xalq deputatlari Parkent tumani Kengashiga 23-“Nomdanak” saylov okrugidan saylangan deputat, tuman hokimi Elmurod Po‘latov hamda tuman Kengashi raisi Faxritdin Dadamatov tomonidan tegishli mutasaddi
rahbarlar ishtirokida “Boyqozon” mahallasida aholi xonadonlari holati va hududdagi obodonlashtirish ishlari o‘rganildi.O‘rganish jarayonida mas’ullar mahalla hududida uyma-uy yurib, xonadonlar holati bilan yaqindan tanishdilar. Xususan,xonadonlar oldi, ichki ko‘chalar va hovlilarni obodonlashtirish, hududlarda ozodalikka rioya etish hamda yashil maydonlarni kengaytirish masalalariga alohida e’tibor qaratildi.Shuningdek, aholi bilan samimiy suhbatlar o‘tkazilib,ularning fikr-mulohazalari va takliflari tinglandi. Mahalla hududini yanada fayzli, obod va namunali maskanga aylantirish, obodonlashtirish ishlarini aholi ishtirokida izchil davom ettirish yuzasidan tegishli tavsiya va topshiriqlar berildi.Mazkur amaliy jarayon mahalliy ijro va vakillik organlarining o‘zaro hamkorligi, aholi bilan bevosita va ochiq muloqot olib borish, fuqarolar murojaatlarini joyida o‘rganish hamda mavjud masalalarni amaliy hal etishga qaratilgan ishlarning muhim yo‘nalishlaridan biridir.Bu kabi hamkorlikdagi ishlar tuman hokimligi va xalq deputatlari Kengashi o‘rtasidagi hamkorlikni yanada mustahkamlash, aholi manfaatlarini ta’minlash hamda hududlarni kompleks rivojlantirishga xizmat qilmoqda.