Deputatlar saylovchilar oldida axborot berdi

Xalq deputatlari Samarqand viloyati Kengashi deputati F. Rahimova hamda Samarqand shahar Kengashi deputati T. Hamidov tomonidan “Bahoriston” mahallasida saylovchilar bilan ochiq muloqot tashkil etildi.

🤝 Uchrashuv davomida deputatlar tomonidan 2026-yilning birinchi yarim yilligida amalga oshirilgan ishlar, saylovchilar murojaatlari asosida olib borilgan faoliyat hamda hududda yechimini topgan masalalar yuzasidan hisobot taqdim etildi.

🌀Shuningdek, Prezidentimiz raisligida o‘tkazilgan videoselektor yig‘ilishida belgilab berilgan ustuvor vazifalar, hududni ijtimoiy-iqtisodiy rivojlantirish bo‘yicha amalga oshirilayotgan ishlar hamda yil yakuniga qadar bajarilishi rejalashtirilgan tadbirlar haqida ma’lumot berildi.

🇺🇿 Muloqot chog‘ida mahallalarda obodonlashtirish va bunyodkorlik ishlarini jadallashtirish, fuqarolar faolligini oshirish masalalariga alohida e’tibor qaratildi.

⚡️ Tadbirda Kengash kotibiyati mutaxassisi, shahar hokimligi mas'ul mutaxassisi, bank xodimlari va tegishli mutaxassislar ham ishtirok etib, fuqarolarni qiziqtirgan masalalar yuzasidan tushuntirishlar berdi. Bildirilgan murojaat va takliflar joyida o‘rganilib, tegishli mas’ullarga yo‘naltirildi.

✔️ Bunday uchrashuvlar aholi bilan ochiq muloqotni kuchaytirish, hududdagi mavjud muammolarni o‘z vaqtida aniqlash va ularning yechimini ta’minlashda muhim ahamiyat kasb etmoqda.