Shu munosabat bilan Xalq deputatlari Termiz shahar Kengashi raisi, deputat D. Normuradova hamda Kengash kotibiyati bosh mutaxassisi R. Mamashukurov 20-“Eskishahar” saylov okrugi deputati Sh. Lolayev okrugiga qarashli “Eskishahar” mahallasida bo‘lib, hududda amalga oshirilayotgan obodonlashtirish va ko‘kalamzorlashtirish ishlari, ko‘cha va jamoat joylarining sanitariya holati hamda aholi tomonidan amalga oshirilayotgan hashar tadbirlari bilan yaqindan tanishdilar. 

🌱 Tashrif davomida hududni yanada obod qilish, yashil maydonlarni kengaytirish, ichki ko‘chalarni tartibga keltirish, tozalik va ozodalikka rioya etish borasida olib borilayotgan ishlar ko‘zdan kechirildi. Shuningdek, mahalla faollari bilan suhbat o‘tkazilib, amalga oshirilayotgan bunyodkorlik ishlarini yanada jadallashtirish, aholi faolligini oshirish va mavjud muammolarni hamkorlikda bartaraf etish yuzasidan tavsiya va takliflar bildirildi.
🤝 Obod mahalla — farovon hayot garovi. Hududlarni yanada obod qilish, aholi uchun munosib turmush sharoitlarini yaratish hamda mahallalarda hamjihatlik va birdamlik muhitini mustahkamlashga qaratilgan amaliy ishlar Termiz shahrining barcha mahallalarida izchil davom ettirilmoqda.