Deputat qábirstan aymaǵında abadanlastırıw jumıslarında qatnastı

⚡️ Qaraqalpaqstan Respublikası Joqarǵı Keńesi 58-sanlı “Tazajol” saylaw okruginen deputatı F.Palvanova hám Xalıq deputatları Shımbay rayonlıq Keńesi baslıǵı O.Tolıbekov “Berdaq” MPJ aymaǵındaǵı qoyımshılıqta alıp barılıp atırǵan abadanlastırıw hám kóklemzarlastırıw jumıslarında belsene qatnastı.

Ilaj dawamında qábirstan átirapı tazalanıp, shópler hám shıǵındılar saplastırıldı, aymaqtı tártipke keltiriw hám abadanlastırıw jumısları ámelge asırıldı. Sonday-aq, terek hám sayamanlı náller egiw, jasıl aymaqlardı tárbiyalaw boyınsha ámeliy jumıslar alıp barıldı.

Deputat bunday iygilikli baslamalar muqaddes zıyarat etiw orınların taza saqlaw, ekologiyalıq mádeniyattı arttırıw hám xalıq arasında abadanlastırıw jumıslarına baylanıslılıq sezimin kúsheytiwge xızmet etetuǵının atap ótip, bunday ilajlar turaqlı dawam ettiriletuǵının bildirdi.