Mahallalarda aholi, ayniqsa, yoshlar uchun sport infratuzilmasini rivojlantirish borasidagi ishlar izchil davom etmoqda.Xalq deputatlari Parkent tuman Kengashiga 21-“Nevich” saylov okrugidan saylangan deputat Yoqubova Xusnora Abduxamidovna hamda Xalq deputatlari Toshkent viloyati Kengashi deputati Nizomitdinov Muhsiddin Muhiddin o‘g‘li Novdak MFYda “Tashabbusli budjet” loyihasining 1-mavsumi doirasida g‘olib
bo‘lgan loyiha asosida barpo etiladigan zamonaviy sport maydoni hududini ko‘zdan kechirdi.Mahalla tashabbuskori X.Ziyodxonov hamda faol fuqarolarning sa’y-harakatlari natijasida loyiha g‘oliblikni qo‘lga kiritib, 1,6 milliard so‘m mablag‘ jalb etildi.O‘rganish davomida qurilish ishlarining belgilangan me’yorlar asosida sifatli amalga oshirilishi, jarayonlarning deputatlik va jamoatchilik nazoratida olib borilishi masalalariga alohida e’tibor qaratildi.Yangi zamonaviy sport maydoni mahalla yoshlari uchun munosib sharoit yaratib, ularning bo‘sh vaqtini mazmunli tashkil etish, sog‘lom turmush tarzini targ‘ib qilish va sportga bo‘lgan qiziqishini yanada oshirishga xizmat qiladi.