#deputat_soʻrovi #poytaxtdeputatlari #deputatlik_faoliyati

🌧 Qoziguzar mahallasida yomg‘ir suvlari toshqini muammosi deputatlik so‘rovi orqali ko‘tarildi

🏛 Xalq deputatlari Toshkent shahar Kengashi deputati Dilshod Shoumarov tomonidan Toshkent shahar hokimi Sh.B. Umurzakov nomiga deputatlik so‘rovi yuborildi.

📩 Deputatlik so‘rovi Xalq deputatlari Toshkent shahar Kengashining 2026-yil 3-iyuldagi qarori asosida joriy yilning 20-iyul kuni Uchtepa tumani “Qoziguzar” mahalla fuqarolari yig‘inida o‘tkazilgan saylovchilar bilan ochiq muloqot va axborot uchrashuvi davomida kelib tushgan murojaatlar asosida tayyorlandi.

📝 Murojaatlarda “Qoziguzar” mahallasining “Katta qani” ko‘chasi 18-uy hamda ushbu ko‘chadagi boshqa xonadonlarda kuchli yog‘ingarchilik vaqtida yomg‘ir suvlari uy-joylarga kirib, aholi uchun jiddiy noqulayliklar tug‘dirayotgani qayd etilgan. Fuqarolar mazkur muammoni bartaraf etish bo‘yicha amaliy choralar ko‘rilishini so‘rab murojaat qilgan.

📁 Shu munosabat bilan deputat Dilshod Shoumarov tomonidan “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunning 5 va 8-moddalari asosida Toshkent shahar hokimi Sh.B. Umurzakovdan mazkur hududdagi holatni tegishli mutaxassislar ishtirokida atroflicha o‘rganish, xonadonlarga suv toshishi sabablarini bartaraf etish maqsadida kanalizatsiya tizimini barpo etish yoki ushbu loyihani tegishli hududiy dasturga kiritish imkoniyatini ko‘rib chiqish, shuningdek, ko‘riladigan chora-tadbirlar yuzasidan 10 kun muddatda asoslantirilgan yozma ma’lumot taqdim etish so‘raldi.

🤝 Mazkur deputatlik so‘rovi aholi xavfsizligini ta’minlash, yog‘ingarchilik oqibatida yuzaga kelayotgan muammolarni bartaraf etish hamda hudud muhandislik-kommunikatsiya infratuzilmasini yaxshilashga qaratilgan bo‘lib, masala deputat tomonidan nazoratga olindi.

📱 Telegram 📱 Instagram 📱 Facebook 📱 YouTube 🔎 E-kengash