Joriy yilning 11-iyul kuni Shovot tumani Navroʻz mahallasining Saxovat 3-berk koʻchasida 0.7 km qismi shagʻallashtirish ishlari boshlangan edi. Bugungi kunda mazkur koʻcha toʻliq asfalt qoplamasi bilan taʼminlanib, foydalanishga topshirildi.
Mazkur ishlar Xalq deputatlari Xorazm viloyati Kengashining hududlarni kompleks rivojlantirish, aholi uchun qulay yashash muhitini yaratish, tadbirkorlik faoliyatini qoʻllab-quvvatlash hamda infratuzilmani yaxshilashga qaratilgan tegishli qarorlari ijrosi doirasida amalga oshirilmoqda.
📍 Xususan, Shovot tumanidagi "ogʻir" toifaga kiritilgan 15 ta mahallada rejalashtirilgan qurilish va taʼmirlash ishlari izchil davom etmoqda.
👥 Ushbu jarayonlar Xalq deputatlari Shovot tumani Kengashi kotibiyati hamda masʼul xodimlari, jumladan deputat I.Masharipov va mahalla faollari ishtirokida doimiy hamda qatʼiy nazorat ostida olib borilmoqda.
Maqsadimiz bitta — har bir mahallada infratuzilmani yanada yaxshilash, yoʻllarni tekis va ravon qilish hamda fuqarolarimiz uchun munosib turmush sharoitini yaratish!