Agrar, suv xo‘jaligi va ekologiya masalalari bo‘yicha doimiy komissiya yig‘ilishi o‘tkazildi

Xalq deputatlari Termiz tuman Kengashining Agrar, suv xo‘jaligi va ekologiya masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Yig‘ilishda Termiz tumani hokimligi Obodonlashtirish boshqarmasi Yo‘l-ko‘prik xo‘jaligidan foydalanish bo‘limi boshlig‘i M. Toshariyevning hisoboti tinglandi.

Hisobot davomida O‘zbekiston Respublikasi Vazirlar Mahkamasining 2024-yil 11-oktyabrdagi 665-son qarori asosida Termiz tumanida shahar va boshqa aholi punktlaridagi ichki ko‘chalar hamda ichki xo‘jalik yo‘llarini saqlash va ta'mirlash bo‘yicha ishlab chiqilgan manzilli dasturning ijrosi yuzasidan amalga oshirilayotgan ishlar haqida batafsil ma'lumot berildi.

Deputatlar tomonidan hududlarda ichki yo‘llarni ta'mirlash, mavjud muammolarni bartaraf etish, ajratilgan mablag‘lardan samarali foydalanish hamda belgilangan ishlarni o‘z vaqtida va sifatli amalga oshirish masalalari yuzasidan savol va takliflar bildirildi.

Yig‘ilish yakunida kun tartibidagi masala yuzasidan tegishli tavsiyalar berilib, masalani Xalq deputatlari Termiz tuman Kengashining navbatdagi sessiyasida ko‘rib chiqish bo‘yicha qaror qabul qilindi.