Mustaqillik MFY hududidagi ichki yo‘l holati o‘rganildi

Xalq deputatlari Termiz tuman Kengashi 10-Yangiyo‘l saylov okrugi deputati R. Shamanov hamda Xalq deputatlari Termiz tuman Kengashi mutaxassisi T. Murodov tomonidan Mustaqillik MFY hududida joylashgan Siyrat ko‘chasida o‘rganish ishlari olib borildi.

O‘rganish davomida mahalla raisi ishtirokida hududdagi ichki yo‘lning holati ko‘zdan kechirildi. Aholi uchun qulay va xavfsiz harakatlanish sharoitlarini yaratish maqsadida mazkur ko‘chaga asfalt qoplamasi yotqizish zarurligi ta’kidlandi.

Aniqlangan masalalarni tegishli tashkilotlar bilan hamkorlikda bosqichma-bosqich hal etish yuzasidan taklif va tavsiyalar ishlab chiqildi. Xalq deputatlari Termiz tuman Kengashi tomonidan hududdagi dolzarb infratuzilma masalalari deputatlik nazorati doirasida muntazam o‘rganib boriladi.