Termiz tuman pochta bo‘limi faoliyati deputat tomonidan o‘rganildi

Xalq deputatlari Termiz tuman Kengashi deputati Sh.Norsayev deputatlarga biriktirilgan tashkilotlar faoliyatini o‘rganish maqsadida Termiz tuman pochta bo‘limida o‘rganish ishlarini olib bordi.

O‘rganish davomida pochta bo‘limida aholiga ko‘rsatilayotgan xizmatlar sifati, fuqarolar murojaatlariga munosabat, xizmat ko‘rsatish jarayonlari hamda mavjud shart-sharoitlar bilan tanishildi. Shuningdek, bo‘lim faoliyatining samaradorligini oshirish, xizmatlar sifatini yanada yaxshilash hamda aniqlangan ayrim kamchiliklarni bartaraf etish yuzasidan mas'ullar bilan fikr almashildi.

Yakunda pochta bo‘limi faoliyatini yanada takomillashtirish va aholiga ko‘rsatilayotgan xizmatlar sifatini oshirish bo‘yicha tegishli tavsiyalar berildi hamda mazkur yo‘nalishdagi ishlar deputatlik nazoratida davom ettirilishi ta'kidlandi.