PQ-141 ijrosi doirasidagi ichimlik suvi loyihasi joyiga chiqqan holda o‘rganildi

Xalq deputatlari Termiz tuman Kengashi 1-Xalqobod saylov okrugi deputati N.Ruziyeva saylangan hududdagi, mahalla yettiligi vakili bilan birgalikda Xalq deputatlari Termiz tuman Kengashi mutaxassisi K.Abdullayeva bilan birgalikda hududda O‘zbekiston Respublikasi Prezidentining PQ-141-son qarori ijrosi doirasida amalga oshirilayotgan toza ichimlik suvi tarmoqlarini tortish ishlari bilan tanishdi.

O‘rganish davomida qurilish-montaj ishlarining borishi, bajarilayotgan ishlarning sifati hamda loyiha asosida amalga oshirilishi joyiga chiqqan holda ko‘zdan kechirildi. Shuningdek, mas'ul tashkilot vakillari bilan amalga oshirilayotgan ishlar yuzasidan fikr almashilib, aniqlangan masalalar bo‘yicha tegishli tavsiyalar berildi.

Ta'kidlanganidek, mazkur loyiha hudud aholisini sifatli va uzluksiz ichimlik suvi bilan ta'minlash, infratuzilmani yaxshilash hamda fuqarolar uchun qulay sharoitlar yaratishga xizmat qiladi. Bunyodkorlik ishlarining borishi deputatlik nazoratida davom ettiriladi.