Yoshlarning huquq va manfaatlari – davlat himoyasida

Oʻzbekiston Respublikasining "Yoshlarga oid davlat siyosati toʻgʻrisida"gi Qonuni Qonunchilik palatasi tomonidan 2016-yil 12-avgustda qabul qilingan hamda Senat tomonidan 2016-yil 24-avgustda maʼqullangan.

Mazkur Qonun mamlakatimizda yoshlarga oid davlat siyosatini amalga oshirishning huquqiy asoslarini belgilab, yoshlarning huquq va qonuniy manfaatlarini himoya qilish, ularning intellektual, maʼnaviy va jismoniy salohiyatini roʻyobga chiqarish, sifatli taʼlim olishi, bandligini taʼminlash va ijtimoiy faolligini oshirishga xizmat qiladi.

Yoshlarni qoʻllab-quvvatlash, ularni vatanparvarlik, yuksak maʼnaviyat va qonunga hurmat ruhida tarbiyalash, tashabbuslarini ragʻbatlantirish hamda jamiyat va davlat hayotidagi ishtirokini kengaytirish ushbu Qonunning ustuvor maqsadlaridan biridir.