Yangihayot mahallasida fuqarolar murojaatlari va "yo‘l xaritalari" ijrosi o‘rganildi

Xalq deputatlari Termiz tuman Kengashi mutaxassisi K. Abdullayeva 4-Yangihayot saylov okrugi deputati G. Shafoatova saylangan Yangihayot MFY hududida bo‘lib, fuqarolar bilan uchrashdi hamda ularning murojaat va takliflarini tingladi.

O‘rganishlar davomida O‘zbekiston Respublikasi Prezidenti hujjatlari, Oliy Majlis palatalari va Hukumat qarorlari, shuningdek oliy darajadagi tashriflar yakunlari bo‘yicha ishlab chiqilgan "yo‘l xaritalari" asosida Termiz tumanini ijtimoiy-iqtisodiy rivojlantirish yuzasidan belgilangan chora-tadbirlarning ijrosi manzilli ravishda o‘rganildi.
Xususan, "Termiz" tumani Yangihayot MFY hududida ko‘priklar qurish bo‘yicha amalga oshirilayotgan ishlar ko‘zdan kechirilib, qurilish jarayonining borishi, belgilangan vazifalarning bajarilishi hamda ishlar sifati yuzasidan monitoring olib borildi.

Shuningdek, mahalla aholisi bilan ochiq muloqot o‘tkazilib, amalga oshirilayotgan bunyodkorlik ishlari, xususan ko‘priklar qurilishi va boshqa infratuzilma loyihalari bo‘yicha fuqarolarning fikr-mulohazalari hamda takliflari tinglandi. Bildirilgan murojaatlar tegishli tartibda qayd etilib, ularning ijrosini ta’minlash va "yo‘l xaritalari"da belgilangan vazifalar ustidan samarali deputatlik nazoratini davom ettirish yuzasidan tegishli choralar belgilandi.