Xalq deputatlari Angor tumani Kengashi raisi tomonidan 24-Karvon saylov okrugi hududida hokim yordamchisining faoliyati o‘rganildi.

O‘rganish davomida hududda aholi bandligini ta’minlash, tadbirkorlikni rivojlantirish, fuqarolarning daromadlarini oshirish, ishsiz fuqarolarni kasb-hunarga yo‘naltirish hamda aholining murojaatlari bilan ishlash borasida amalga oshirilayotgan ishlar tahlil qilindi.

Shuningdek, hokim yordamchisining mahalladagi aholi bilan ishlash samaradorligi, muammoli masalalarni aniqlash va ularni tegishli tashkilotlar bilan hamkorlikda hal etish borasidagi faoliyatiga alohida e’tibor qaratildi.
Mazkur jarayonda Xalq deputatlari Angor tumani Kengashi kotibiyati bosh mutaxassisi Xurramov Laziz ham ishtirok etdi.

O‘rganish yakunlari bo‘yicha aniqlangan masalalarni bartaraf etish, aholi bandligini ta’minlash va fuqarolar murojaatlari bilan ishlash samaradorligini yanada oshirish yuzasidan tegishli tavsiya va takliflar bildirildi.

📌 Deputatlik nazorati — hududdagi muammolarni aniqlash, ularning yechimini ta’minlash va aholi manfaatlarini himoya qilishga xizmat qiladi.