Xalq deputatlari Oqoltin tumani Kengashi deputatlari X.Suvonov, D.Egamqulova hamda Kengash kotibiyati mudiri N.Turdiyev tomonidan A.Navoiy mahalla fuqarolar yig‘inida “Mahallada obodlik va mehr-saxovat” oyligi doirasida xonadonma-xonadon yurilib, hududdagi obodonlashtirish va sanitariya holati o‘rganildi.

O‘rganishlar davomida ayrim xonadonlarda obodonlashtirish va sanitariya talablariga to‘liq rioya etilmayotgani, hovli hamda ko‘cha oldi hududlarida bartaraf etilishi lozim bo‘lgan kamchiliklar mavjudligi aniqlandi.

Shuningdek, fuqarolar bilan o‘tkazilgan muloqotlarda xonadon va ko‘cha oldi hududlarini ozoda saqlash, sanitariya qoidalariga amal qilish hamda obod va namunali mahalla barpo etishda har bir fuqaroning mas’uliyati muhim ekani ta’kidlandi. Aniqlangan kamchiliklarni bartaraf etish yuzasidan tegishli tavsiya va takliflar berildi.