Hududdagi noturar joy obyektlarining sanitariya holati o‘rganildi

Xalq deputatlari Navoiy shahar Kengashi deputati R. Qo‘ziyev, Kengash kotibiyati mudiri J. Hafizov hamda kotibiyat bosh mutaxassisi D. Toyirov tomonidan hududdagi noturar joy obyektlarining sanitariya-tozalik holati o‘rganildi.

O‘rganish jarayonida obyektlar atrofida sanitariya qoidalariga rioya etilishi, hududlarning obodonlashtirilganligi, chiqindilarni belgilangan tartibda saqlash va olib chiqish holati hamda tashqi muhitning ozodaligiga alohida e'tibor qaratildi.

Aniqlangan kamchiliklar yuzasidan obyektlar mas'ullariga tegishli tavsiyalar berilib, sanitariya va obodonlashtirish talablariga qat'iy rioya etish, hududlarni doimiy ravishda toza va ozoda saqlash zarurligi ta'kidlandi.

Mazkur o‘rganish ishlari hududlarda sanitariya madaniyatini yuksaltirish, obodonlashtirish ishlarini yanada jadallashtirish hamda aholi uchun qulay va ozoda muhitni ta'minlash maqsadida muntazam davom ettiriladi.