Мустақиллигимизнинг 35 йиллиги муносабати билан ўтказилаётган «Маҳаллада ободлик ва меҳр-саховат ойлиги» доирасида маҳалла ва овулларда кенг кўламли ободонлаштириш ишлари амалга оширилмоқда. Ушбу саъй-ҳаракатлар ҳудудлар қиёфасини янада кўркамлаштириш, санитария ҳолатини яхшилаш ҳамда аҳоли учун янада қулай ва шинам яшаш муҳитини шакллантиришга хизмат қилмоқда.

Шу каби тадбирлар туманнинг «Саржал» овулида ҳам уюшқоқлик билан давом этмоқда. Туман ҳокими, Халқ депутатлари туман Кенгаши депутати Руслан Рўзиев овулда амалга оширилаётган ободонлаштириш ишларининг бориши билан танишди ва маҳалланинг  «еттилиги» ва фаоллари билан мулоқот ўтказилиб, ҳудудда тозалик ва ободонлаштириш ишларини самарали ташкил этиш, аҳоли бандлигини таъминлаш, эҳтиёжманд оилаларнинг даромад манбаларини кенгайтиришга қаратилган лойиҳаларни рўёбга чиқариш масалалари кўриб чиқилди.

Шунингдек, бошқа долзарб масалалар билан ҳам манзилли ишлаш, фуқароларни қийнаётган ижтимоий муаммоларни бартараф этиш юзасидан фикр ва таклифлар муҳокама қилинди.