#deputat_tashabbusi #deputatlar_nazorati #poytaxtdeputatlari #deputatlik_faoliyati #24_ta_tavsiyaviy_savol #Deputat_daftari

🚧 “Muqimiy” mahallasida yo‘l harakati xavfsizligi masalalari deputatlik nazoratida

🏛 Xalq deputatlari Toshkent shahar Kengashi deputati Vasila Alimova tomonidan fuqarolar murojaatlari asosida Yakkasaroy tumani “Muqimiy” mahalla fuqarolar yig‘ini hududida mahalla ichki yo‘llarida harakat xavfsizligini ta’minlash masalalari yuzasidan joyiga chiqib o‘rganish ishlari olib borildi.

🤝 O‘rganishda Xalq deputatlari Toshkent shahar Kengashi kotibiyati bosh mutaxassisi Sarvar Irgashev, “Muqimiy” MFY raisi X. Muxidov, Xalq deputatlari Yakkasaroy tuman Kengashi deputati K. Zaripova, tuman Kengashi kotibiyati mudiri vazifasini bajaruvchi O. Alimov, Toshkent shahar IIBB YHXB Yo‘l infratuzilmasini nazorat qilish bo‘limi muhandislari, kapitan B. Yo‘ldoshaliyev, katta leytenant J. Esanov, mahalla “yettiligi”, davlat soliq inspektori hamda mahalla faollari ishtirok etdi.

🔍 O‘rganish davomida deputatlik faoliyatini yanada samarali tashkil etish maqsadida ishlab chiqilgan 24 ta tavsiyaviy savol hamda Mahalliy Kengash deputatlari faoliyatida foydalanish tavsiya etilgan 162 ta muhim qonun talablari asosida hududdagi yo‘l infratuzilmasi va harakat xavfsizligi holati atroflicha tahlil qilindi. Xususan, mahalla ichki ko‘chalarining holati, transport oqimi, piyodalar harakati, bolalar va keksalar uchun xavfsiz sharoit yaratish, yo‘l-transport hodisalarining oldini olish bo‘yicha mavjud vaziyat o‘rganildi.

🛣 Mahalla aholisi bilan o‘tkazilgan ochiq muloqot davomida ichki ko‘chalarda transport vositalarining yuqori tezlikda harakatlanayotgani, ayrim hududlarda esa tezlikni cheklovchi sun’iy notekisliklar (yo‘l o‘tkazgichlari) o‘rnatishga ehtiyoj mavjudligi qayd etildi. Mutaxassislar ishtirokida bunday inshootlarni o‘rnatish zarur bo‘lgan nuqtalar joyida ko‘zdan kechirilib, ularning texnik jihatlari muhokama qilindi.

📝 Fuqarolar tomonidan bildirilgan barcha murojaat va takliflar deputat tomonidan alohida nazoratga olinib, ularni bosqichma-bosqich hal etish, zarur hollarda tegishli mutasaddi tashkilotlarga deputatlik so‘rovlari kiritish hamda amaliy choralarni belgilash yuzasidan mas’ullar bilan fikr almashildi.

⚠️ Ta’kidlanganidek, ichki yo‘llarda xavfsizlikni ta’minlash, ayniqsa maktab o‘quvchilari, yosh bolalar, keksalar va piyodalar uchun qulay hamda xavfsiz muhit yaratish mahallalarda hayot sifatini oshirishning muhim omillaridan biridir. Shu bois yo‘l infratuzilmasini takomillashtirish va zarur xavfsizlik vositalarini o‘rnatish ishlari izchil davom ettiriladi.

✅ Yakunda Vasila Alimova fuqarolar xavfsizligini ta’minlash, aholi murojaatlariga tezkor munosabat bildirish hamda yo‘l harakati xavfsizligi bilan bog‘liq masalalarni amaliy hal etish deputatlik faoliyatining ustuvor yo‘nalishlaridan biri ekanini ta’kidladi.

📱 Telegram 📱 Instagram 📱 Facebook 📱 YouTube 🔎 E-kengash