Xalıq deputatları Qaraózek rayonlıq Keńesi korrupciyaǵa qarsı gúresiw hám qáwipsizlik máseleleri boyınsha turaqlı komissiyasınıń gezektegi májilisi bolıp ótti.

Ózbekstan Respublikası Prezidentiniń Qaraózek rayonındaǵı xalıq qabıllawxanası xalıq múrájatları menen islesiw baǵdarında 2026-jıldıń altı ayı dawamında ámelge asırılǵan jumısları haqqında xalıq qabıllawxana baslıǵı orınbasarı N.Tangatarovanıń málimlemesi tıńlandı.
Múrajatlar boyınsha jańasha sistema engiziw, xalıqtıń múrájatları menen islesiw sistemasın jetilistiriw baǵdarında ámelge asırılıwı tiyis wazıypalar hám 2026-jıldıń altı ayı juwmaǵı menen múrájatlar boyınsha ámelge asırılǵan jumıslardı gezektegi sessiyada keń túrde talıqlaw hám xalıqqa jetkeriw belgilenip alındı.