#Kengash_raisi_faoliyati

"Qishloqozon" mahallasida obodonlashtirish ishlari o‘rganildi

Xalq deputatlari Surxondaryo viloyati Kengashi  kotibiyati mudiri Sherpo'lat Boyqulov hamda tuman Kengashi raisi Jamila Xudoyqulova tumandagi "Qishloqozon" mahallasida ham bo‘lib, Prezidentimiz tomonidan belgilangan vazifalar ijrosi hamda "Mahallada obodlik va mehr-saxovat oyligi" doirasida amalga oshirilayotgan bunyodkorlik va obodonlashtirish ishlari bilan yaqindan tanishdi.

O‘rganish davomida mahallada ko‘chalar, ichki yo‘llar va ariq-zovurlarni tartibga keltirish, hududlarni tozalash, yashil maydonlarni kengaytirish, daraxt va gul ko‘chatlarini parvarishlash hamda aholi yashash manzillarining sanitariya holatini yaxshilash bo‘yicha olib borilayotgan ishlar ko‘zdan kechirildi.

Shuningdek, mahallada aholi uchun qulay va obod muhit yaratish, infratuzilmani yanada rivojlantirish, mavjud muammolarni o‘z vaqtida bartaraf etish hamda obodonlashtirish ishlarini izchil davom ettirish masalalari yuzasidan mahalla faollari va mas’ullar bilan muloqot qilindi.

Ta’kidlanganidek, hududlarni obod va fayzli maskanga aylantirish, aholining farovon turmushini ta’minlash hamda mahallalarda ijtimoiy faollikni yanada oshirish borasidagi ishlar bundan buyon ham tizimli ravishda davom ettiriladi.


Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram