Mazkur uchrashuvlarda, ayniqsa, ijtimoiy himoyaga muhtoj bo‘lgan yoshlar, tadbirkorlik faoliyatini boshlash istagida bo‘lganlar hamda ish izlayotgan ishsiz yoshlarning murojaatlari tinglanmoqda. Har bir murojaat atroflicha o‘rganilib, masalalarni joyida hal etish, zarur hollarda tegishli tashkilotlar bilan hamkorlikda amaliy yordam ko‘rsatish choralari ko‘rilmoqda.

Shahar hokimi Elyorbek Karimov tomonidan yoshlar bilan ochiq va samimiy muloqot olib borilib, ularning bandligini ta’minlash, tadbirkorlik tashabbuslarini qo‘llab-quvvatlash, mavjud muammolarini bartaraf etish bo‘yicha aniq vazifalar belgilab berilmoqda.

Ta’kidlash joizki, mamlakatimizda Prezidentimiz tashabbusi bilan har haftaning payshanba kuni “Yoshlar kuni” etib belgilangan bo‘lib, ushbu kun doirasida joylarda yoshlar bilan ishlash tizimi yanada kuchaytirilmoqda.

Bugungi ochiq muloqotlar ham yoshlarning muammolarini o‘z vaqtida aniqlash va samarali hal etishda muhim ahamiyat kasb etmoqda.