Mahalladan xalq dardiga yechim: Urgutda ochiq muloqot va amaliy natijalar

⭐️ Samarqand viloyatida aholining dolzarb muammolarini joyida o‘rganish, fuqarolar bilan bevosita muloqotni kuchaytirish hamda hududiy rivojlanishga turtki berish maqsadida deputatlar tomonidan uchrashuvlar tashkil etilmoqda.

🔴Xalq deputatlari Samarqand viloyati deputati Himmat Okbutayev Urgut tumanidagi bir qator mahallalar faoliyati bilan yaqindan tanishdi.

🏃‍♂️ Jumladan, “G‘o‘s”, “Yetti uylik”, “Quyi guzar”, “Xo‘ja guzar” hamda “Soy” mahalla fuqarolar yig‘inlarida olib borilayotgan ishlar o‘rganilib, aholi turmush darajasi, infratuzilma holati, ijtimoiy muammolar va mavjud ehtiyojlar atroflicha tahlil qilindi.

🛡 Uchrashuv ochiq muloqot va savol-javob shaklida tashkil etilib, unda mahalla raislari, faollar hamda keng jamoatchilik vakillari faol ishtirok etdi. Fuqarolar tomonidan ichimlik suvi ta’minoti, yo‘l infratuzilmasi, ijtimoiy xizmatlar sifati, bandlik va boshqa dolzarb masalalar yuzasidan taklif va murojaatlar bildirildi.

💬 E’tiborlisi, ko‘tarilgan muammolarning bir qismi uchrashuv jarayonida ijobiy hal etildi.