Deputat sayyor qabul o‘tkazdi: Chag‘izmon mahallasida aholi murojaatlari tinglandi

Xalq deputatlari Samarqand viloyati Kengashi deputati Nilufar Ja’farova tomonidan Urgut tumani “Chag‘izmon” mahalla fuqarolar yig‘inida sayyor qabul tashkil etildi.

Uchrashuv davomida mahalla aholisining murojaatlari tinglanib, ularni qiynayotgan dolzarb masalalar atroflicha muhokama qilindi.

✅Qabul jarayonida asosan oilaviy va ijtimoiy muammolarga alohida e’tibor qaratildi. Jumladan, fuqaro A. Haqnazarova turmush o‘rtog‘i J. Haqnazarov bilan birga ishsiz ekanini, bu esa oilaning moddiy ahvoliga salbiy ta’sir ko‘rsatayotganini bildirib, ishga joylashishda amaliy yordam so‘rab murojaat qildi.

✅Deputat Nilufar Ja’farova ushbu murojaatni mahalla raisi bilan birgalikda ko‘rib chiqib, zarur hujjatlar taqdim etilgach, fuqarolarni munosib ish bilan ta’minlashga ko‘maklashish yuzasidan amaliy yordam ko‘rsatilishini ma’lum qildi.

✅Sayyor qabul ochiq muloqot va samarali fikr almashinuvi ruhida o‘tib, aholi muammolarini joyida hal etishda muhim ahamiyat kasb etdi.