DEPUTATLIK NAZORATI

👤 Xalq deputatlari Sherobod tuman Kengashining 4-Uch yog‘och–Qorabog‘ saylov okrugi deputati K. Xashimova tomonidan “Qorabog‘” mahalla fuqarolar yig‘inida O‘zbekiston Respublikasi Prezidentining PQ–141-son qarori ijrosi hamda Islom taraqqiyot banki ishtirokida amalga oshirilayotgan “Qishloq joylarini kompleks rivojlantirish” loyihasining ikkinchi bosqichi doirasida olib borilayotgan ishlar yuzasidan deputatlik nazorati o‘tkazildi.

🔍 Nazorat tadbiri davomida loyiha asosida moliyalashtirilayotgan 35-sonli umumta’lim maktabida amalga oshirilayotgan qurilish va ta’mirlash ishlari joyiga chiqqan holda o‘rganildi.

💰 Ma’lum qilinishicha, mazkur ta’lim muassasasini zamonaviy talablarga mos ravishda rekonstruksiya qilish va infratuzilmasini yaxshilash maqsadida loyiha doirasida 3 milliard 900 million so‘m mablag‘ ajratilgan. Ushbu mablag‘lar hisobidan maktab binosini mukammal ta’mirlash, 50 o‘rinli zamonaviy oshxona hamda sport zalini qurish ishlari amalga oshirilmoqda.

🏗 O‘rganish jarayonida qurilish ishlarining borishi, bajarilayotgan ishlar sifati, belgilangan muddatlarga rioya etilishi va ajratilgan mablag‘larning maqsadli sarflanishi atroflicha tahlil qilindi.

✅ Deputat tomonidan qurilish ishlarini sifatli va o‘z vaqtida yakunlash, mavjud kamchiliklarni bartaraf etish hamda loyihaning samarali amalga oshirilishini ta’minlash yuzasidan mas’ul tashkilotlar vakillariga tegishli tavsiya va ko‘rsatmalar berildi.

🤝 Deputatlik nazorati fuqarolar manfaatlarini ta’minlash, hududlarda amalga oshirilayotgan investitsion va ijtimoiy loyihalar ijrosining ochiqligi hamda samaradorligini oshirishga xizmat qilmoqda.