Balıqshılıqtı rawajlandırıw joybarı úyrenildi

Oliy Majlis Nızamshılıq palatası deputatları hám Puqaralıq jámiyeti institutı wákillerinen ibarat isshi topar aǵzası S.Botirov, Qaraqalpaqstan Respublikası Joqarǵı Keńesiniń deputatı, ÓzXDP frakciyasınıń aǵzası B.Utambetova,  rayonlıq sekretariat baslıǵı K.Nasirovalar Moynaq rayonı “Tik ózek” APJ aymaǵınan balıqshılıqtı rawajlandırıw joybarınıń jumısı úyrenildi.

Úyreniw barısında "MUYNAK AVTOTRANS" juwapkershiligi sheklengen jamiyetinde bolıp joybardıń ámelge asırılıw barısı, balıq ósiriw úshin jaratılǵan sharayatlar, ónim islep shıǵarıw kúshleri hám tarawdı jáne de rawajlandırıw múmkinshilikleri úyrenildi. Sonıń menen birge, joybaranıń rayon ekonomikasına qosıp atırǵan úlesi hám jańa jumıs orınların jaratıw máselelerine de ayrıqsha itibar qaratıldı.
Mámleketimizde balıqshılıq tarawın qollap-quwatlaw, xalıqtı sapalı azıq-awqat ónimleri menen támiyinlew hám awıl aymaqlarında isbilermenlikti rawajlandırıw boyınsha alıp barılıp atırǵan islerdiń nátiyjeliligi atap ótildi.