Xalıq deputatları Moynaq rayonlıq Keńesine Ózbekiston Xalıq-demokratik partiyasınan deputat, Sekretariat baslıǵı K.Nasirova tárepinen «Moynaq» mákan puqaralar jıyınında jaslar jetekshisi hám profilaktika inspektorınıń xızmet iskerligi úyrenildi.

Úyreniw dawamında jaslar menen alıp barılıp atırǵan jumıslar, olardıń bántligi, bos waqtın mazmunlı shólkemlestiriw, jaslar arasında huqıqbuzarlıq hám tártipsizliktiń aldın alıw boyınsha ámelge asırılıp atırǵan is-ilajlar kózden ótkerildi.

Sonday-aq, profilaktika inspektorınıń puqaralar menen islew tájiriybesi, huqıqbuzarlıqlardıń aldın alıw boyınsha alıp barıp atırǵan profilaktikalıq jumısları hám xalq qıynap atırǵan máselelerdi óz waqtında sheshiwge qaratılǵan xızmeti talıqlandı.

Úyreniw juwmaǵında aniqlanǵan máseleler boyınsha tiyisli usınıslar berilip, jaslar menen islewdi jáne de jetilistiriw, profilaktikalıq jumıslardıń nátiyjeliligin arttırıw boyınsha wazıypalar belgilep berildi.