Oromgoh faoliyati Xalq deputatlari Yunusobod tuman Kengashi deputati N. Voropayeva tomonidan joyiga chiqqan holda o‘rganildi.

Mazkur o‘rganish O‘zbekiston Respublikasining “Ta’lim to‘g‘risida”gi, “Yoshlarga oid davlat siyosati to‘g‘risida”gi, “Bola huquqlarining kafolatlari to‘g‘risida”gi hamda “Xalq deputatlari viloyat, tuman va shahar Kengashi deputatining maqomi to‘g‘risida”gi qonunlarida belgilangan vazifalardan kelib chiqib amalga oshirildi.

O‘rganish davomida bolalarning mazmunli dam olishi uchun yaratilgan sharoitlar, xavfsizlik choralari, sport seksiyalari, intellektual to‘garaklar va ijodiy mashg‘ulotlar faoliyati ko‘zdan kechirildi.

Shuningdek, o‘quvchilarning bo‘sh vaqtini mazmunli tashkil etish, ularning iste’dod va qobiliyatlarini rivojlantirish, sog‘lig‘ini mustahkamlash hamda yozgi ta’til davrida nazoratsiz qolishining oldini olish masalalariga alohida e’tibor qaratildi.

Deputat tomonidan oromgoh faoliyatini yanada takomillashtirish, mashg‘ulotlarning sifati va qamrovini oshirish yuzasidan mas’ullarga tegishli tavsiyalar berildi.

✅ Yunusobod tumanida yoshlarning yozgi ta’tilini mazmunli va samarali tashkil etishga qaratilgan o‘rganishlar davom etmoqda.

Bizni kuzatishda davom eting!