Deputat tashabbusi bilan Bog‘ishamol mahallasidagi ichki ko‘cha shag‘allashtirildi

Xalq deputatlari tuman Kengashi deputati F.Anorboyev tashabbusi bilan Bog‘ishamol mahalla fuqarolar yig‘ini hududidagi ichki ko‘chalarni shag‘allashtirish ishlari amalga oshirildi.Mazkur ichki ko‘chaning holati uzoq vaqtdan buyon aholi tomonidan ko‘tarib kelinayotgan masalalardan biri bo‘lib, ayniqsa yomg‘irli mavsumlarda harakatlanish uchun noqulayliklar tug‘dirar, transport vositalari va piyodalar harakatida qiyinchiliklar yuzaga keltirar edi. Muammoni joyiga chiqqan holda o‘rganish va aholi murojaatlarini inobatga olish natijasida deputat tomonidan tegishli tashkilotlar bilan hamkorlikda amaliy choralar ko‘rildi.Natijada ko‘chaga zarur miqdorda shag‘al yotqizilib, yo‘l tekislandi va harakatlanish uchun qulay sharoit yaratildi. Bu ishlar mahalla aholisining kundalik turmush sharoitini yaxshilashga xizmat qiladi.