Qo‘qon shahar Kengashi deputati Feruza Kaxxarova tomonidan “Shaldiramoq” mahallasidagi ta’lim va sport infratuzilmasi holati o‘rganildi.

Ma’lum qilinishicha, maktabda yozgi ta’til davrida “Sirli orol” nomli sog‘lomlashtirish oromgohi faoliyat yuritmoqda.

Bugungi kunda oromgohda 30 nafar o‘quvchi dam olib, sog‘lomlashtirilmoqda. Ular uchun bir mahal issiq ovqat va nonushta tashkil etilgan.

Shuningdek, o‘quvchilarning bo‘sh vaqtini mazmunli tashkil etish maqsadida 4 ta fan to‘garagi hamda sport mashg‘ulotlari yo‘lga qo‘yilgan.

E’tiborlisi, mazkur oromgohda kam ta’minlangan oilada voyaga yetayotgan o‘quvchi F.Murodova bepul dam olayotgani aniqlandi.

O‘rganish davomida bolalarning yozgi ta’tilini mazmunli tashkil etish, ularni sport va sog‘lom turmush tarziga keng jalb etish bo‘yicha amalga oshirilayotgan ishlar ijobiy baholandi.

Xalq deputatlari Qo‘qon shahar Kengashi