➡️Xalq deputatlari Chilonzor tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining navbatdagi majlisi bo‘lib o‘tdi.

Majlis davomida tumanning 2026-yil I chorakdagi mahalliy budjeti ijrosi, mahalliy budjetning qo‘shimcha manbalaridan samarali foydalanish, “Infratuzilma va ijtimoiy barqarorlik” jamg‘armasi mablag‘larini yo‘naltirish hamda hududlarda amalga oshirilayotgan ijtimoiy-iqtisodiy loyihalar masalalari muhokama qilindi.

Shuningdek, komissiya a’zolari tomonidan budjet mablag‘larining maqsadli sarflanishi, ijtimoiy himoyaga muhtoj fuqarolarni qo‘llab-quvvatlash, ta’lim va sport infratuzilmasini rivojlantirish hamda hududlarda olib borilayotgan bunyodkorlik ishlari yuzasidan tegishli taklif va tavsiyalar bildirildi.

Muhokamalar yakunida kun tartibidagi masalalar bo‘yicha tegishli qaror va xulosalar qabul qilindi.