Xalq deputatlari Uchquduq tuman Kengashi raisi U.Salimov tomonidan tuman maktabgacha va maktab ta’limi bo‘limiga qarashli “Bozdun” OFYdagi 2-sonli umumta’lim maktabida O‘zbekiston Respublikasining “Ta’lim to‘g‘risida”gi O‘RQ-637-son Qonuni ijrosi yuzasidan o‘rganish ishlari olib borildi.

O‘rganish davomida ta’lim muassasasida o‘quvchilarga yaratilgan shart-sharoitlar, ta’lim jarayonining tashkil etilishi, moddiy-texnik baza holati hamda qonun talablarining amaliy ijrosi ko‘zdan kechirildi.

Shuningdek, maktab rahbariyati bilan suhbat o‘tkazilib, ta’lim sifatini yanada oshirish, o‘quvchilarning bilim olishi uchun qulay muhit yaratish hamda mavjud muammolarni bartaraf etish yuzasidan tegishli tavsiya va ko‘rsatmalar berildi.

✅ Mazkur o‘rganishlar ta’lim sohasida qonun hujjatlari ijrosini ta’minlash, mavjud muammolarni aniqlash va ularni bartaraf etishga qaratilgan amaliy choralarni belgilashda muhim ahamiyat kasb etadi.